كل ما طار الحكي نام .. الحمام

واقبل .. الشاعر وناولني الرغيف

امدثر خوف واب .. عينه .. كلام

ترجف يدينه وبشفاهه نزيف

قال قلي من سكن بين العظام

قلت مو كل نابن بعيني اليف

سيدي ليتي .. اعرف الإنتقام

سيدي صعبه .. وأنا واحد شريف

جفّت غصون السوالف ياكرام

فكّها اسود .. وانا صدري نظيف

سيدي من بعد .. ردك للسلام

للسؤال اللي على شفاهي خفيف

ودي اعرف .. لو سمحتم بإحترام

من قتل .. روح .. العفيفه بالعفيف

غادتي .. والصبح اصبح لي ظلام

غادتي والليل .. من بعدك .. كفيف

غادتي والقلب .. ما يعرف ينام

الملام .. الجوع .. والطعنات .. ضيف

قولي اني من قليل الإهتمام

رد صوتي ناظرك اصبح ضعيف

نامت عيون القهر بين الزحام

غصة الدمعه على العشب المخيف

ما نزلت الا شعر وسط الغمام

وما رقيت الا على موت الخريف

والشعر ان ما يريحني .. حرام

والحرام .. ان الشعر يصبح رصيف

والحرام إن الوفا .. يبقى كلام

والكلام يموت .. ما يلقى عفيف

وكل ما نام الحكي طار الحمام

ومات بي شاعر ابد ماله وصيف