يا لله يا فكاك من حبل الإدراك

ياللي عبيدك ترتجي فضل جودك

تفرج لمنهو يرتجي فضل حسناك

أنت الذي ما كل شيٍ يكودك

ما نيب في رجوا حدٍ غير رجواك

ولا راجيٍ زودٍ يجي غير زودك

تلطف بحالي يا رجا من ترجاك

وانك تساعدني بطيّب سعودك

انا الذي مستوجب العفو لرضاك

وأنت الذي مضفي على الخلق جودك

إلى نويت العبد شيٍ من أشياك

وله هذه القصيدة التي ينصح فيها ابنه:

عزي لحالك ياعزيز وانا ابوك

كان الزمان اللي توطاني توطاك

افهم وصاتي ياعزيز وانا ابوك

دامك صغير وغاية العلم يقراك

تراه ماينفعك خالك ولا اخوك

لا صار ما تقضي لزومك بيمناك

وربعك الى بان الخلل فيك عافوك

اقرب قريب لك من الناس يشناك

ان كثر مالك صدقوا لك وطاعوك

وان قل ما بيدك شانت حلاياك

لو تطلب الماء عندهم كان ما اسقوك

ابعد مزارك عن وطنهم ومرباك

وان طاب حظك صدقوا لك وحبوك

وان بار كل ما يبي غير فرقاك

ومن أشعاره هذه الأبيات الشهيرة:

ريحه كما ريح النفل في شعيبه

في مربع عله من الوسم تشعيب

ممطور امس ودارس ماوطي به

واليوم شمس وفاح طيب على طيب

ومن قصائده الغزلية قوله:

يا ونتاه اللي برت جسم حالي

بري الدبا نبنوب غصن تغشلاه

على عشير بالموده صفا لي

وازريت أنوش حماه وانا اتعداه

غرو جبينه مثل خط الهلالي

سبحان رب صوره لين سواه

وحياة رب كمله بالجمالي

من مفرق الهامه إلى حد ماطاه

انه منول وامس واليوم غالي

واتلى زمانه بالغلا مثل مبداه

ماله حلي إلا مودة عيالي

اصغر عيالي بالغلا كنه إياه

لا ابطيب ماشفته وهو ماعنالي

عفت المكان اللي يغيظه ويجفاه