جيتك يا غربة
بالأماني
واني ارجعه مالغربة تاني
والاقي حلمي وجنتي
زكل فرحي ف دنيتي
عشت انا ف ليل المدن
ليل ورا ليل يرتحل
وانا بعافر واشتغل
قرب خلاص حلمي العفي
مع ان شعري بيختفي
ولا همني
والوش لونه بينطفي
ولا همني
ماشي وبكمل سكتي
ولا الرجوع في خطتي
ونسيت خلاص صوت ضحكتي
عشت ليالي بشتكي
والشكوى كانت عالورق
كنت عايش ليل قلق
والصبح يرجع
لي القلق
ولا همني
ودخلت ليلة غرفتي
وكتبت حزني وكلمتي
علي الورق بكتب قلق
وف ليل غريب حسيت تعب
كنت لوحدي بترعب
في الفجر روحي سلمت
وفضلت وحدي وبكتئب
ولا همني
صاحب البيت جه للايجار
لقى ريحة الموت والدمار
كسر البيبان شال الغبار
فتح لقاني بجثتي
وكات نهايتي ف غربتي
موتي ف ورق علي دمعتي
موتي في حالة من السكوت
ورموني علي بلدي ف تابوت
ما هو اللي مات
مش راح يموت
ولا همني