ده جزاتي اني حبيتك سنين
ده جزاة  قلب كان بستان حنين
وأما سألك رد فّيه جواب حزين
غلطتي انت ف حياتي
ده جزاتي
ده جزاتي ف حب عاش
جوه قلبي منتهاش
انت ضيعته ببلاش
مش باقي لي غير آهاتي
ده جزاتي
ده جزاتي لما اشوفك
قلبي بيفكر في طيفك
كان كفايه عليّه اشوفك
كان بيندهلك سكاتي
ده جزاتي
كنت بحلم بيك معايا
وانت بالدنيا كفايا
لو اشوفك هيّه غاية
لكل ساعة من سعاتي
ده جزاتي
ليه بايدك تقتليني
 وانت قلبي وضي عيني
انا راضي اقتليني
وابتدي انتي بوفاتي
1999