كنت أدور بك علي والظاهر اني

من كثر ماني معك ماكنت فيه

مدري أنت اللي بعيد هناك عني

أو أنا اللي بالفعل ماني هنيه

أكتبك وأقراك واستمحيك كني

ما نزفت يا هَوّس مؤلفيه

شاعرك لا رحت عَنه وجآ يغني

يغرق الكُراس في بحر ازرقيه

ما لقيتك وأفقدك هذا لأني

ما مشتيك وآصلك لجل إنِ أتيه

حلمك الوردي إذا بتفوق مني

تطبق أجفانك علي تقول أبيه

وقلبي إن قلتي أبيه بلا تمني

أدخلي على المعاليق وخوذيه

أكسجين وصدرك يتنفسني

خوختينك كل ما تتنفسيه

في أسانيد الهوى يُحكى باني

ماني من الي يعبدون الوجيه

إن قهرت أقهر جبل وإن طاش جني

أسفهه وإن سألت أسأل سفيه