في ليالي ذكريات الهم وهم الذكريات
كلما صديت نفسي تستّجن همومها
لو صحيح اللي تفوت تموت او مافات مات
كان مايبقى وتبقى بالضلوع رسومها
لي مع الحاظر بقايا،، بي من الماضي سمات
منكسر خاطر ونفسي عن رداها اشومها
وعمري لبكره رسمته في طريق الامنيات
واثق الخطوه ملك امشي وانا زيزومها
وعشرة الطيب تجاره عن جميع المغريات
تشتري بالمال حتى لو تزيد وسومها
ماحسب زلة عدوي واسال الله الثبات
ماتتبع زلة الناس وْ خطايا رخومها
ماكتبت الشعر قصدي في السلاطين الهبات
ذل نفسي ما ارومه والمعزه آرومها
بكتبه باللي هواها علّم الليل السكات
بكتبه في غاية النفس ومداد حلومها
الفتون اللي حلاها طاغي وفيها صفات
مترفه لمن حكوا عنها سمعت علومها
جادل ٍ هزت كياني من خبرها مايبات
كم قلوب هامت بعشق رمته سهومها
راحت وياكثر والله في زماني الرايحات
بس هي لا والله الا صرت أنا ملزومها
واه ياللي من حصله من عسل هاك الشفات
والقمر لاصار عنده وش يبي بنجومها
واه واوجدي عليها وجد من عاف السبات
شيخ قوم انكسوا ربعه وعز قرومها
من عقب عز ومعزه من شتاتٍ في شتات
صار في الدنيا ذليل وانتهى مضيومها
ايه بسميها الغبينه والحروف الناعيات
والورق يبكي عليهم من بكى محرومها
العنود الفاتنه الخشف قاهرة البنات
راحت بليل ٍ ظليم والعزاء لمظلومها
راحت وحلم ٍ بعدها مات او ما مات فات
الا مات ولو بقت وسط الظلوع رسومها