من اول مشرق الغربه الين اخر حدود الياس
الين اخر حدود الياس من اول مشرق الغربه
كذا هي حالة الدنيا علي تستخسر الانفاس
علي تستخسر الانفاس تزيد الهم والكربه
اعيش احساس ماكني اعيش الا بهالاحساس
وكلما هانت بعيني تجيني من الزمن ضربه
تزيد طعونها كن الغدر فيها مثل جساس
وانا كنّي مثل ذاك الذي جساس يغدر به
تعبت اعيش وحداني ولاتدري بهمي الناس
تعبت العمر خطواته يوجه للتعب دربه
انا مابي من الدنيا قصور زاهيه بالماس
انا ماشدني عشق يزيدخاطري طربه
انا مابي من الدنيا سوى لامن مددت الكاس
ابي لامن مددت الكاس تصفى من الكدر شربه
الايا حظ مالك لو تعاندها عن الاتعاس
مقاديرك حزن يعني حزينه دنيتك قربه
الا ياحظ ماتدري تفاصيلي مع الهوجاس
قطع ليل السكون اللي حواني اربة اربه
هنا ضاعت متاهاتي هنا عيون ٍ جفاها نعاس
هنا خلّى اثر اخر بقايا طعنته حربه
عرفت ان الحقايق تايه ما للحقيقه ساس
معايير اختلافاته وهم من شرقه لغربه
هنا وهناك علمّني يكونون البشر اجناس
مظاهر بعضهم تخفي جواهر باليه خربه
هنا من مشرق الغربه الين اخر حدود الياس
الين اخر حدود الياس اعيش ايامي بغربه