ابعدي ان كان ودك تبعدين

دامك اخترتي خيار الإرتحال

دامك تقولين هذا اللي تبين

وان انا ماعاد لي بقلبك مجال

بس لاتنسينها جروحي سنين

في غياب فات محروم الوصال

وان تذكرتي هذيك الدمعتين

يوم اناديلك بها عندي تعال

والقصيد اللي كتبته والانين

اخره يوم ارتحل حلمي شمال

تذكريني والا بس لاتذكرين

ذكريات ٍ ليلها بالهم طال

ذكريات ٍ للامل تقصر يدين

دونها يعني كذا صارت محال

قسوتك ياقسوتك،، متى الحنين

هز وجدانك ودمع العين سال

وباقي ظنون بغباها تنطقين

هي بقايا زايله او لاتزال

لو رحتلي ياعسى دربك يمين

وان بقيتي مال صبري احتمال

ابعدي ان كان ودك تبعدين

والا انا بمشي دروب الارتحال