حبيت أهني حضرتك يا أبو حمدان

كل عام وأنت بخير يانور البلاد

أول بشر أعايده وأول انسان

محمد المكتوم من بين العباد

عيدك مبارك قبل الاحباب وخلان

واطلب من الله ياعسى العيد ينعاد

ياقبلة الله سيدي جيت طربان

والشوق في قلبي لكم صدق يزداد

حبك يغذي قلب ويجري في شريان

ياراعي الطولات قطاف الأمجاد

عيدك مبارك ياذرا كل فجعان

عيدك مبارك سيدي خير من قاد

عيدك مبارك والشواهيد بنيان

يامن وضع لدبي ساسات الأعماد

عيدك مبارك عز ونهضه وعمران

والخير وافر ماله اليوم تعداد

شاعر كويتي جيت والحرف ضميان

لغير الغلا والحب مانيب نشاد

يحرم علي ياسيدي جيت شفقان

حبك حصيلة ورث من عهد الأجداد

ما جيت أدور شي والله ولهان

قصدي أهني حضرتك يوم الأعياد

عيدك مبارك سيدي يابو حمدان

كل عام وانت بخير يانور البلاد