صباح الخير ياعمري طلبتك ترجع لنومك
ابيك اتنام ياروحي وابي الاحلام تجمعنا
طلبتك صك جوالك وغمض وزهم احلومك
وانا مثلك بعد بحلم مدام الوقت يمنعنا
ابلفي يانظر عيني في حلمك واخذ علومك
وابيك اتجي في حلمي وابشرحلك عن المعنا
ثلاث اسنين ياقردي احط همي على همومك
نصر الهم ونقطه بعد لحظه وهو معنا
عنيد الوقت فرقنا وخالف حظي انجومك
ولالي حظ يجمعنا وحظي لاتوادعنا
دخيل الله ياوقتي كرهنا نعيش في يومك
لجأنا لحلم يجمعنا ولا واقع يضيعنا
ابي اغفا بعد عمري وابيك اتغط في نومك
ونتمرد على الواقع ونلجأ لحلم يجمعنا