اخذت من فكري معاني وقيفان

ورسمتها في لوحة العز فنا

احكي بها عن لابة المجد والشان

اللي لهم فالطيب سنه تسنا

اللي خذو اسمى المعاني من ازمان

وعدوهم في دنيته ما تهنا

اهل الكرم والجود زهران زهران

مكرمين الضيف لا جا معنا

اللي لهم فالحرب صوله وميدان

وضرباتهم وقت اللقا ما تثنا

ربعي ملوك الازد من نسل قحطان

منا الصحابه وسيرة العز منا

كانت لنا هيبه وعزه وسلطان

سادات حرب وما بغدر طعنا

وبعدها جانا محمد بالايمان

وكلن دخل في رايته ما تونا

وحطله بالميمنه خير شجعان

وحنا بنينا فالشجاعه وطنا

وبعدها اليرموك للمجد عنوان

وفي سهلها حنا ظهرنا وبنا

وحنا نصرنا الدين في ماضي ازمان

وحنا قرعنا الروم سنا بسنا

وماهي بمنه نصرنا خير الاديان

لكننا نفخر بأبطال منا

من دون دين الله نفنا ولا يهان

وما يرتقي للنايفه غير حنا

ما همنا ما قاله افلان وافلان

وفوق البحر بالعزم تبحر سفنا

خضنا المعارك واعتلى اسم زهران

نثبت مع لقيا العدو ما جبنا

حنا كسرنا غير ابو ناب نيبان

وداسة حوافر خيلنا من تجنا

حنا الى دارت رحى الحرب فرسان

وخيولنا وقت اللقا ما عصنا

جتنا جيوش الترك ظلم وعدوان

ودسنا على اللي بالعداوه لفنا

وفي رهوة البر كان للترك خسران

ميه قتلناهم وميه اسرنا

وفي راش والمعرق وفي يوم عجلان

قتل فنيناهم وفيها دفنا

وفي قوب يوم كان للترك خذلان

ورؤسهم فوق الشجر عُلقنا

وحنا قتلنا قايد الترك عبشان

ونجومنا وقت اللقا ظهر بنا

وفي معركه للفصل في سوق رغدان

هذي عظام الترك ضرب طحنا

وفي بسل بخروش ابن علاس له شان

قايد عظيم وبالشجاعه تكنا

وبالرقوش الي له المجد نيشان

وسيفه من الدم الحمر قد تحنا

شيخ له العليا ولا فيه نقصان

واليا لفتنا قالة ما تونا

مات وترك ماضي معطر بريحان

وصيته بيبقى ما بقي شخص منا

وانحن عقدنا حلف وافي ومليان

مرت ضروف الوقت ما يوم خنا

نذكر ولا ننسى عزيزين واخوان

اللي معانا في حروب تشنا

هذي شبابه عقد لولو ومرجان

البيض للشجعان منهم ومنا

حلف لنا في موقف العز سلطان

عدونا لا شافنا صد عنا

زهران قوم كلهم طيب واحسان

وفيهم بيوت الشعر لازم تغنا

اهل الكرامه والشهامه والايمان

وكل العلوم النايفه ما جفنا

وفو ملازيم الفعايل وشجعان

وعدوهم لامن لقاهم يجنا

والدم صافي ولا يخالطه الوان

وسيوفنا بدم العدو خضبنا

حنا لنا في صفحة المجد عنوان

يشهد لنا التاريخ مايوم هنا

فينا الكرم يهطل كما غيث هتان

الضيف لاجانا طلب ما تمنا

طيب المثايل والفعايل لنا اركان

عزاز والكلمه لنا ما تثنا

وانحن دروع للوطن عز الاوطان

نموت وترقى هامته ما تدنا

حنا لنا من عزته عز وامان

وحكامنا ال سعود زبن المجنا

الحاكمين بعدل والشرع ميزان

وعدلهم عم البشر في وطنا

هذي حكاية قصة المجد زهران

بيوتهم بالعز دايم تبنا

يارب يا رحمن نطلبك رضوان

وارحم يرب برحمتك واعف عنا

والخاتمه صلّو على خير انسان

الي بُعث للخلق انس وجنا