لا تجي عقب المواجع تنشد القلب الوديع
غابت مزون الهواوي عن عيون(ن) تجهله
جيت ألملم فيك بعضي وأنثر شتات الوجيع
جيت أبشحذ همة(ن) لي من أياد(ن) مبخله
كم حزنت وقلت والله الوفى شي(ن) صنيع
وكم سكت وقلت أبسمع والصواعق مقبله
عادتي لى صرت ضايق يصغر الكون الوسيع
وكل شي(ن) يمتحني بالدروس المهمله
عشت حاكم للتناقض بعضه لبعضه يبيع
ذاك عرشي ذاك دربي كنت دايم آصله
كنت عايش في تفاهه طيبتي شي(ن) مريع
كنت رمز(ن) للمحبه في زمان البلبله
كنت حالم كنت واهم أبني المجد الرفيع
مادري تأبني بوادي قصر عمره ماأعتله
الطفوله مادرت بي والأماني بي تضيع
لين صار العود قاسي وإبتديت إبسمله
شوف حالي كم تغير شوفني لو تستطيع
أمس كنتاليوم شفني كيف حالي ماأجمله
أقضي اليوم بسعادة لامهموم ولا نزيع
كيف حال المر دوني؟والله إني إشتقتله
عار عندي لى نقضته عهد يعرفه الجميع
جاهز(ن) لك يازماني من خذلني بخذله
شاكر(ن) لك هالنصيحه بس لا لا ما أطيع
والله إنه مو بيديني حل هذي المسأله