أحب تطنيش القلوب المظاليل

إللي لهم في كل يومين منزال

وأحب نَفرَ النفس من دون تعليل

إللي تنزل نفسها دون مكيال

وأحب رايي وأسنده بالتحاليل

وإذا نطقت بشي أنا أسبقه بأفعال

وأحب أسد إذني عن القال والقيل

ماعمري أسمع هذرت القيل والقال

وما أحب عيشت حاصلٍ بعد تحصيل

ولا أحب أعيش بوسط هالناس محتال

وما آحب لبسي للقميص وبناطيل

أحب نسف الغتره من تحت العقال

وما ألبسه جاهز ألبس الثوب تفصيل

إللي يناسب ذوقي بكل تفصال

ماني من إللي تجرفه جرفة السيل

وبكل وادي تبتلاقيه ميال

أطيح واقف حتى وإن طحت بالحيل

حتى ولو في وسط هالأرض زلزال

كذا ورثت الطبع من سالف الجيل

وكذا أورث طبعي لكل الأجيال