جاد لي غيثٍ على غصني مومّر

وإن همى في واقعي روحي تعافه

(من بغى روحي لقى روحي تذمّر

ومن بغته الروح في ليله مسافة)

كود حرفٍ من شقا حظّي تضمّر

يجفله من خافقي كثرارتجافه

يوم كنّا و كان له قلبٍ تعمّر

لهفتي..صوتي وآهاتي خلافه

ليت شعري لاهمى قربه تسمّر

وأورق بعمري فرح أروى جفافه

في عيوني في فساتيني تجمّر

شوق بحر حاير يلقى ضفافه

من يقول الورد في غصنه تخمّر؟

لو يكون بخاطره روعة قطافه

هو كذا جرحي ولو شفته تزمّر

مايهدّي روعته طيفٍ يخافه!!

يتساقط في شعوري ويتثمّر

في عيوني نرجسٍ يروي عفافه

أتوارى في طيوفه وأتغمّر

وأتنفّس نزوته لحظة خرافة