يا الله يا للي دبر الكون بقضاه

يا مدبر أيام الدهر مع سنينه

سلم لنا اللي دوم جزلة عطاياه

وترى العطاء عادة وفاء من يمنينه

شيخٍ كريمٍ طيب الفعل يزهاه

عطفه وطيبه بالمواقف يزينه

قليل من مثله ولا به حلاياه

يأمر بشرع الله ويحكم بدينه

فهد العروبة سيدي تسلم خطاه

وحنا على عهد الوفاء طايعينه

عشرين عام من التقدم خطيناه

عشرين عامٍ كل أبوها ثمينة

الخير كله أنقرن وسط يمناه

والخير غطاء كل دار ومدينه

هذا ثمر ما أسس الفهد مبداءه

يجني ثمر ما خطط أنه يدينه

هو خادم البيتين أسمٍ تسماه

في عزه الإسلام يرفع جبينه

عون الرفيق ليا الزمن شتت أرياه

معروف أبو فيصل بحزمه ولينه

وليا وقف للمعركة ردد أعداه

له كلمةٍ وسط المواقف رزينة

رجل السلام اللي ليا حل طرياه

قول الفهد كل البشر سامعينه

حكية يساوى بالجواهر مساواة

وحكي الفهد وسط الذهب صايغينه

أبو اليتم اللي بغى الوقت وأغداه

كم فرّح بجودة نفوسٍ حزينه

هو نجدت المنكوب لا عاف دنياه

هو عون بالدنيا عسى الله يعينه

عشرين عامٍ والوطن أمن بحماه

والمملكة من فضل ربي حصينه

زاد الرخاء وعهد الحضارات عشناه

والدار في حكمه تراها أمينة

أهو الأمام اللي نحبه ونهواه

وحنا على عهد الوفاء طايعينه

وحب الفهد بصدورنا اليوم شلناه

وحب الفهد بقلوبنا شايلينه

وندعي من الله والي العرش يرعاه

ويالله عسى بالخير تزهر سنينه