هيه حطي في بالك كيف أرد اعتباري

لا تظني خفوقي لعبة في يدينك

إيه أحبك ولكن لازم آخذ بثاري

كيف؟ مدري!! أظن الدمع يدري بعينك

اصبري لين أحدد وش يكون اختياري

بين هجرك وصدك أو موادع حنينك

أو أسامح.. أسامح؟!! لا ورب الجواري

لو تحن اليمامة..زير قلبي يدينك

يا لثارات قلبي.. يا لقلبي أثاري

كنت بالحب عندك في عذابي سجينك

يظهر إنك جهلتي قوتي واقتداري

وغرك الكبرياء بما مضى من سنينك

صدقيني أنا ما جيت أبدي اعتذاري

جيت لاجل أرسم النور بمساحة جبينك

وخفت من سوء ظني وصرت أغير مساري

لأجل ما تفهمين إني أحاول أهينك

المهم استعدي والأمر صار جاري

اصبري واقبلي بالثار والله يعينك

أو بفدية .. تعالي غيري لي قراري

قدمي كل غالي كان منية ضنينك

فكري واحسبيها قبل تحرقك ناري

كل رجواي نظرة قبل لمسة يدينك