معك ليلِ طويل وقلب تاه بهاجسك مافاق.

وايقْض لك وجل شاعر خذته اردان ديمومة

تمناك الشعر ليلة نزف لك في مهب فراق

سأل سكينك البارد عن اول واخر علومه

انا يامدلهم العكش احن بغيبتك واشتاق

بكالك موطنٍَ يبست نخيله وانكره قومه

ترقب لك من ايام السهر مجنونك الخفاق

هذلُك الليل بلسان الظلام وغيبة نجومه

من ايامك ومرباع السنين وخده الرقراق

وعد رجال حدّته السنين وضاقت هدومه

شكالك بوح مايمسي بدونك واشتكالك ساق

امانيّك تبي قومة رجا متثاقل القومه

مشاريهك على صدر تخبره مايضيق وضاق

بقايا موطنك غصنٍ يبس واسوار مثلومه

تناهيدك على باله وذاق من الالم ما ذاق

يهج القلب في ضيقة مسا ..وانهاه وآلومه

مدى. مالك مدى وانت المزون بذاكرة عشاق

وانا خابر هدب عينك يحن ويغرق بيومه

كثر ماطاحت اوراق الخريف وللقصيد اوراق

عرفت البوح واشباه الاوادم عرفت همومه

وانا مليت مسباح الملل واستاذن البراق

يبشرني بميلاد المطر وبحفلة غيومه

بعيد وذكرياتك ناس وانهار وحبر واشواق

غريبة ارض مايمشي عليها ناس مزحومه