أول الدرب كانت خطوته غير

انحره بالرجا والدرب توّه

جعلك لياركبت الريح ياطير

تلتفت ويحصل لي منك خوّة

ليلة البارحه ليلة مخاسير

ومن تسامى تخلى عن سموّة

و ان كتب لي وصادفتك على خير

كل شي تبي تسويه سوّه

اعتذر ليه وعلومي مغاتير

وانحدر ليه والحلم بعلوّه

وليه ماضما وانا مضيعك يالبير

وليه ما اخايل مزونك ونوّة

وليه مااشره ولي حشمة وتقدير

وليه مااجزع من الهاجس وضوّة

ساهي الطرف ياكثر المعاذير

غادي الراي خله في غدوّة

لاعدوي ولا والله يبي يصير

طيب القوم يعرف من عدوّة

يابعد هامتي عن نافخ الكير

ليه مااصد عن جاهل تفوّة

لايداحمك بافعال المناعير

ولايواجهك باخلاق النبوّة