عشقتك ديم ياغيث الفيافي يانفل وأعشاب
يارذراذ المداد وشمعدان البوح وكتابه
ياجلجال الرعدلامن تهيض وانفتح له باب
ياديماس السديم المدلهم الطهر بثيابه
ادورك ولقيت اول مداهيلك نهر واعناب
عرفت اني لقيتك واحتضنت النهرواعنابه
ترجل فارسك فارس محارب مايهاب احراب
يصارع لك غضارفة الاسود وكشر بنابه
هزمت المستحيل وجيت لابس للفخر جلباب
انوخ لك مجاهيم السحاب وهذي اركابه
أبيك الياختفى صوتي تكون الصوت والمحراب
وابيك اليابنيت الحلم انت الحلم واطنابه
أبي عيونك وطن لامن غدت كل العيون اغراب
أبيك الباب لاشح الطريق ولافتح بابه
أبيك القاسي الراسي وابيك الاسمر الجذاب
أبيك الهين اللين وابيك الصعب مقضابه
واجيك بشعر ابو الطيب والوح لك بشلفا ذياب
واسلملك جوادي والقلم والسيف وانصابه
وعناقيد وزغاريد ومواعيد وقمر ماغاب
وقصب سكر يقاسمك السوالف وأنت اولابه
ولانك صوت مابين الحناجر تفتديه أرقاب
وأنا جيت افتديه وبانتصاري فزت بإعجابه
أنا ماقلت لك بعض انتصار يبلل الأهداب؟
أنا ماقلت لك بيني وبينك شي متشابه؟
أنا ماقلت لك فينا على بعض السنين عتاب؟
انا ماقلت لك عام المفارق من فقد نابه؟
بسولف لك عن الحلم المكبل بين ناب وناب
بسولف لك عن العشق وحمام السلم وأسرابه
دخيلك لاتغيب أكثر تعبت أدو ر الغياب
أنا واحد من الخمس الجهات وثاني أحبابه