كنيت مر الكلام وطاحت أسرار

والليل نوخ بخفاقي ذلولة

القلب بين الشتات وطعنة الثار

ادماه سيد غلاه وعيطبولة

طفل تجرا على الحارس والاسوار

صوت لبيبان قلبي وفتحولة

لاشفته صغير قلت احلامه صغار

وان شفت الاحلام ياكبر الطفولة

ابعد من سهيل وان قرب للانظار

تقدر تراعيه ماتقدر تطولة

ياسيد الليل باقي منك تذكار

ودي اقوله ولاودي اقولة

شربت كاس الرجوله ذقت والامرار

من خوف لااطيح من عين الرجولة

لو الليالي تعود واقدر اختار

ماسقت رجلي مع القلب وميولة

الدرب مهجور والطعنات كفار

وصلت لاقصاه والموت بوصولة

ماعني اخبار وبصدري لك اخبار

والنوح يسرج من اوجاعي خيولة

ارهيت لك بالقصيد ومزن الاعذار

بكته الايام وعيوني بكولة

عساك حولي قبل مالحول يندار

وابيك حوله ليا من دار حولة

سلمتك ارض المشاعر وانت الانهار

وعدالة الظلم تظهر في شمولة

ياسيد الدار لاتزعل هل الدار

لاضاع انسان ضاعت منك دولة