بعض العرب من ذكر طراد مضغوطه

وهذا نجاحي أكيد انه مشططها

نجاحي الباهر اللي راسم خطوطه

لخبطهم شوي والافكار لخبطها

المرجلة كايدة والكايد شروطه

ماطيب أهل الردى كثرة مهايطها

وأفعال ربعي بلوح المجد مخطوطه

قومن على المرجلة ربي مسلطها

أعتز وأعتز لا من قالوا الغوطه

مزبان من كبده العدوان لاهطها

يالجاهل اللي تذيع علوم مغلوطه

رجليك لاشافتن تكثر مخابطها

عشق الاصايل تراني ماخذن نوطه

عشقي اصيله وعارف وين مربطها

لاتظلم الغير خل النفس مربوطه

سود النوايا تراني كاشف خططها

خذها نصيحه وتراها لك مصفوطه

يديك في درب مثلي لاتورطها

وأن كان ضغطتك علي متضاربن شوطه

شوف البحور الغميقه روح بلطها