شوارد الفكر لاكفكفتها غير

وان سقتها سقتها فن وحرافه

اسابق الشرد واكفخ كفخة الطير

وآخذ مع الجو جولة والتفافه

لوان بالصدر غربة روح ياعمير

والنوم عيني لها مدة تعافه

البال تسعى به عسوس ومداوير

عن نافر الجيد من عين وشافه

اللي كلامه مثل همس النواوير

في خايعَ عله الغيث بلطافه

غندور لكن ماهو مثل الغنادير

المرهف اللي رهافة في رهافه

لالامس الريح مجدوله بتقدير

تقول بينه وما بينه ولافه

سبيب شقراء خزيزة سالم الزير

ياعمير زافات زافه فوق زافه

اللي فراقه من كبار المخاسير

والربح قربه وبعده لي حسافه

لو انها سالفة بعد ومشاوير

نطوي المشاوير وتهون المسافه

ماادري اغني على بعده مقادير

والا ياليل العناء وش هالكسافه

الطرق غلق وانا انهيته على خير

والنشر خله (0000)الصحافه

واصحابنا اللي يسمون المشاهير

حياهم الله على قل الكلافه