يااا نجم .. ياللي شمال النجم .. يغريني شعاعه
ياثقيل الروح قبل تروح .. يامال القطيعه
السماء فيها نجوم وكل نجمٍ وإرتفاعه
يالله أنك لاترد أهل المقامات الرفيعه
أنت ياللي لك بعيني بعد ودروب وولاعه
ماتشوف ألا النجوم ولاتحب ألا الطبيعه
شفتك البارح ولالي فيك قدرة وأستطاعه
وضاقت الطرقه بدرب اخطاي وأرض الله وسيعه
علّني بالوصل وأعذرني على نقص المناعه
أشهد أنك شلت فوق القلب مالا يستطيعه
كل ما سابقني الموعد !؟ ترددني قناعه
هي كذا .. وألا كذا .. وأالا كذا .. وألا فضيعه
فيك عالم شوق .. تقنعني براءات أختراعه
وفيك من وقفة شجاع .. وفيك من حرب الوديعه
لوعتك لوعه وأنا .. لو قلت لك سمعاً وطاعه
أدري أنّي لو احاول فيك قلبي ما تطيعه
لأنك أول شخص يثبت لي وجوده وإندفاعه
ولأني أسهل صعب وأصعب .. نجم بنجوم الطليعه
أزعلتني نظرة اعيونك واهي فن وبراعه
ماوصلت ألا الصحيح .. ولاتجاوزت الشريعه