ياوجودي وجد من يسأل ولا حصل جواب

فاقد له حاجةٍ ما رقد من همها

صائمٍ من همها لاطعام ولا شراب

كل ما فكر بحروه توجه يمها

او وجود اللي زمنها سراب في سراب

مات ابوها وهي صغيرة ولاحد ضمها

مات ابوها وهي صغيرة قبل لبس النقاب

ما تعرف من البشر غير ابوها وامها

ودعوها عند عمة عساها للذهاب

عمةٍ ماهي بعمه حليلة عمها

ما تخاف الله فيها ولا ترجي ثواب

كل ما جاء عمها والدموع بكمها

من عشيرٍ صار عرفه عذابٍ في عذاب

كل يوم انثر اوراقي وأعيد أللمها

كل ما دقيت بابٍ يجي وراه باب

سيرة لا ريحتني ولا أقوى ذمها