أنا ولد صحراء راعي ورحال

في كل يومٍ تطلع الشمس سراح

طفلٍ صغير وشبل ويافعورجال

عشت البداوه كلها أحزان وافراح

حاف القدم ما أطى على الأرض بنعال

عشنا على الفطرة نشيطين وصحاح

نطوي فيافي نجد أقفاي واقبال

نتبع مقادبم الحيا وين ماطاح

هي ذكرياتي بر وسهول وجبال

عشقتها لو كلها وحوش واشباح

بيت الشعر والبر والتجر وادلال

ومن غيرها مالي معيشه ولارتاح

والضيف له في ربعة البيت مدهال

نقر الضيوف ونشري البن لاباح

ونزبن العاني ونسمع لما قال

ومن دون شيمتنا رخيصين الارواح

هاذي عوايدنا من أول ولازال

وكل ديرة ٍ فيها كريمين وشحاح