من عرفت العشق بالدنياء وهمس الشفتين

والسهر مافارق الجفنين ودروبي دروبة

يوم صار السهر دربة مابقى للنوم عين

وكل غصنً بالحشاء قامت تلاعبة هبوبة

مابقابي شيء يجحد لوعة الحب المبين

كل هذا من غرامة والغلا بالقلب دوبة

والرسالة لوتقول احساسها في كلمتين

اشتكت هاك اليدين اللي لها راحت عقوبة

كل ماتعبت شمالي بشرت فيها اليمين

بينهم عشقً حقيقي عشق ماتغرية توبة

غالية والمرسل اغلى والغلا شيءً ثمين

والقلوب العاشقة ضاقت بها الارض الرحوبة

الهواء ذنب الحياة ويقترفة العاشقين

و السهر والنوح والحرمان كفارة ذنوبة

كم بقالي من عذاب وكم مضالي من سنين

عقب شرقة همي اللي طال مابين غروبة

يامنى شاب المنى وانا طليقك والرهين

لاعتقتي القلب من حبك ولالديتي صوبة

وش ينوب القلب قولي بس من زود الحنين

من حنين القلب قولي بس قلبك وش ينوبة

اتهجا في عيونك سلوتي لو بعد حين

البلاء وان كان عينك يابعد عيني كذوبة

اقبلي شوق ومودة واحضنك بين اليدين

وانشدي الجرح وشمالة وش تكونين لجنوبة

واشعليني في ليالً تبهج القلب الحزين

قبلك الايام ماتسوى ولاهي بمحسوبة