تعالي يالمواجع وابتدي من الفهاء للياء
بأسولف للبياض بازرقي عن غربة سنيني
خذتني للألم موطن خذتني للوجع دنياء
مجاديف الصبر ملت ولاعادت تهديني
رمت في وجهي اشكال القساوة والشقى رمياء
حلمت وكم حلمت احلم وحلمي ماحلم فيني
دفنت احلامي بصدري وكفنت الصبر عنياء
مادام الوقت ماشال الميانة بينة وبيني
شقى يولد ولد يشقى قلوب من الولة ضمياء
وانا فيني من هموم الزمان اللي مكفيني
يايمه حظهم يشري لهم و واشياء
وانا يام الوفاء مات الزهر في راحة ايديني
يايمه كم تقوليلي تحزم واقصد العلياء
وان ذي كلمتي يام الرجولة ( لاتوصيني )
يايمه كان هاليمنى غزت ظهر وخذت خفياء
ترا ماني بطفلً قد رضع ثديك وشلتيني
قلوبً بالحياء تحياء وموتً في قلوب احياء
وانا في قلب من شلتة بقلبي من بيحييني
يايمه حتى من يجلي هموم القلب في لقياء
بكيتة بس ماقدرت عيونة يوم تبكيني
عن احوالي يايمة لو تصد ابداً ماهي عمياء
هداياها بصدري لاغفى طرفي تصحيني
رضت علياء قست علياء ماعاد تهمني علياء
ولاعادت بضحكتها وغمزة عين ترضيني