البارحة أكيل ليل الشتاء كيل

جالس لحالي والتفت في جنوبي

عيّا يجيني نوم حتى تالي الليل

كني غريب الدار والا عزوبي

أبعدت عنكم يا أريش العين بالحيل

ما هو هواي أبعدت عنك امغصوبي

ودموع عيني فوق خدي كما السيل

لابكي بكى من اللي صوابه عطوبي

فرقاك ليلة ذوقت قلبي الويل

ما غير هذي يا حبيبي واتوبي

فرقاك ليلة شفتها تفتر الحيل

لاعوي عوى ذيب بروس الهضوبي

غنيت مما حسني وأبدع القيل

من بعدنا في منزحات الدروبي

يا سيدي ما تكفي كثير التماثيل

غير أتفكّر فرع والا غروبي

أبكي بكى طير مفارق عن الجيل

ما غير تخفق خافقات القلوبي

كلّه عشان اللي عيونه مكاحيل

وخصر يميله الهوى والهبوبي

لزوجته الغالية