بوصيك يللي تفهم العلم لا جاك

ترى أن في بعض الوصايا تجارة

حذرى كلامي يالصديق يتعداك

إن كان قلبك يفتهم بالإشارة

حذرى تصاحب من ضحك لك وأغواك

صحبة مثل هذي تراها خسارة

حذراك من يهرج بهذا وهذاك

لا تعامله واللى تزوره زيارة

لا تصاحب ألاّ شخص مثلك وشرواك

على الوفاء والطيب دايم مساره

أحسى الشجيع اللي تحطّه بيمناك

يشفيك في يومٍ شديدِ نهاره

ينفعك في يومٍ تنخابه إعداك

يقف معك بالمال وبنصح تارة

راع اللزوم إليا نصى قاله أشفاك

مشهور له بين الرجال اعتباره

رجال إن جالك وإن جيته أغلاك

يفسِّر الهرجه وعنده وقاره

وأبعد عن اللي لو تصافيه خلاَّك

مغرور ما تعرف لغاية قراره

ما يقضي اللازم ولا همّه إرضاك

.بليد قلب ولا فقلبه حراره

لو تتبع أشواره تِرد حوض الادراك

هذا على موته نسوق البشاره

تمد له طيّب وبالخبث يجزاك

يقابل اليمنى بمدّة يساره

اشقى بلامى من يوافق بلاماك

ما تزلِّه الخُطّار من ضو ناره

وجيرة مثل هذا تعزك وتهناك

والرجل قبل الدار يختار جاره

ووصيك يللي تفهم العلم لا جاك

وكلٍّ يدور غايته وختياره