يا سامعٍ مني وصية ناصح

أظن بعض الناس ما دريو بها

الأوله صر مجهدٍ بالطاعه

تفرح إلى جا حد وزن ذنوبها

والثانيه هدي الرسول اعمل به

تستر نفسك في لقا محبوبها

والثالثه احذر اجروح لسانك

ترا جروحه ما تسر طبوبها

الرابعه احذرك عرض الغافل

واعرض على نفسك جميع اعيوبها

والخامسه لياك توذي جارك

ولا توقف للنساء بدروبها

السادسه لياك تجفى ضيفك

أعط الرجال حقوقها وما جوبها

السابعه احلم على اللي جاهل

ولا تكثر للصديق اعيوبها

الثامنه صر للقريب متواضع

صر له ذلولٍ عن اطبوع اصعوبها

التاسعه احذر جاهل او عالم

إلا إلى وردت عليك اخطوبها

العاشره صر للرجال املازم

يبين لك من ما ترا تجروبها

هذي وصاتي للرجال احفظها

واسمع اوصات البيض يا مثيوبها