الشعر رياضٍ ماسومة

يلقاه الواعي من نومه

من نباته شيح وعرعر

والجثجاثة والقيصومة

والكتادة والعرادة

والعوشز في روس حزومه

والحوذانه والبسباسة

والشفلّح والتنومة

فيه العالم مثل الوردة

والريحانة واليشمومة

يفيد اللي يجلس عنده

من حديثه وبمفهومه

العاقل يفكر ويجرب

عسى يربح من تعلومه

والجاهل خله في دربه

لا يفزع عليك بشومه

ضد العالم مثل الشرية

وشجرة الغلقة مسمومة

هذا كله خلقٍ لله

كل يعرف من تسلومه