كون صادق معي والا بلاش

تدري اكذب علىّ ومشها

مات فيك الوفاء والكذب عاش

كل مره تجي مقتشها

من عرفتك حصيلي منك ماش

غيمةٍ ماسقاني رشها

أنت بالملعنه تملا غراش

والجميله وراك تخشها

وأن فتحنا ملفات النقاش

تقلب الطاوله مع قشها

كل ماقول كذب تقول شاش

مجهمٍ بالبياض تمشها

تحسبنك يابو عودٍ نشاش

تنفخ النفس وانت تفشها

والبلا انك بروض الصدر داش

دوحة الجوف حبك دشها

يازهر والمناوي به فراش

كل ماقربت له نشها

صاب روحي على عطرك هراش

غدها وصل والا عشها

أتمناك بالوجه البشاش

ومن زرع بك جميله حشها

ومن تمنا علومٍ ماتناش

ماوصلها ونفسه غشها

صحبة اهل اللوايا والخشاش

يستوي صلبها مع هشها

روس غزلان مافيها عراش

جلد وعظام وأفضل طشها