ياقلب شلت هموم فوق احتمالك

ماعاد يبقى متسع في رفوفك

ياقو ماتصبر وياوسع بالك

على ثقل دم وجلافة ضيوفك

نصف النوايب محتويها مجالك

والنصف الاخر كل ليله يحوفك

ياليت بياعك عرف وش جرالك

يمكن يعالج غلطته لو يشوفك

لكن اظن اللي زهد في وصالك

ماعاد شفه يتفق مع شفوفك

برق بعينه زيف قلبٍ بدالك

لوكان نوره مايعادل كسوفك

لاتندفع ياقلب وارفق بحالك

وش لك بخلٍ مايقدر ظروفك

في خاين العشره خساره جمالك

انسه مثل ماهوب نسي معروفك

اخذ النصيحه ياعسى الخير فالك

واصبر على بلواك واعلن عزوفك

ياقلب تباع المقفين هالك

ان كان بعضات المعاني تطوفك