معرض كتاب ولا عرفنا كتاب ايش !!

بين الشعر والفلسفة والروايه

زحمة ممراته/ بناته معاطيش

يميني/ شمالي/ أمامي/ وراية

لذة بناته يشعلن لذة الطيش

بين (أول وأخر ) مطاف الغواية

جتني تهادى مثل ما يسقط الريش

بينه وبين الأرض حذفة عصاية

خطواتها طابور عرض أول الجيش

تقلب سمايه ارض وارضي سمايه

مالت سنابلها على بعض حتيش

أشوف فيها الدم تحت العبايه

في عيونها ناس تدافع وتشويش

تعكس لي المعرض سوات المراية

بعيونها فتشت بشويش.. بشويش

على (محمد*) كان داخل معايه

لعيونها مثلي عيونٍ مراهيش

رحلة مصيفي هي ورحلة شتايه

(حجازية العينين) والملح والعيش

قالت: ابي.. قلت: اسمعي في النهاية

أجمل هدية اهديك (محمود درويش)

الحب ما يحيا بدون القراية