السعوديات
*السعوديات.. دم .. السعوديات دين
السعوديات ..هيل .. وزعفران.. وياسمين
السعوديات .. طهرالصبح يانسنس وطاف
حامل ريح الخزامى والعفاف
يستبيح الليل ويبل الجفاف
السعوديات ..دم ..السعوديات دين
السعوديات ... سيل .. من أمهات المؤمنين
*و انت ياللي جلّ تفكيرك خرافة
والحيا والدين عندك شي تافه
كان مفهوم الثقافة عندكم ..عري وسخافة
السعودية ثقافتها حيا
والظلام اليانغمستوا فيه..
( بنت دمّي) شفتها لمعة ضيا
الثقافة كانها عري وسخافة
ماعليها..مننا......أيةحسافة..
*السعوديات ماباعن جسدهن خلف شاشة
وسط ثوب مايزيد الا فجور
ولانقص ألا قماشه
لاجل مركز اول.. اومركز وصافة
السعوديات ..دم ..السعوديات دين
السعوديات ..سيل من امهات المؤمنين
السعوديات هاك المحصنات
حافظات الدين واركان العهد
حشمة ومصحف وسجادة صلاة
يبتدن في ((قل هو الله أحد))
السعوديات غير عن البنات
شوفوا أطهر بنت في أطهر بلد
وكانها راحت لفزعات و وصات
شف حديهن كنها مية ولد
******
السعودية وتلبس طهرها نفنوفها
السعودية وحنّت بالعفاف كفوفها..
السعوية .. (يسولف) عطرها للصبح كيف وصوفها
شامخة بوقوفها ..ستر وعباة
وماشهد بخضوعها الا الصلاة
السعودية ..مهرة العز الاصيلة
قصة المجد بمرابعها طويلة
تلبس الاكرام .... شيلة
وش حلاة .المجد يوم التم .. باطراف الجديلة
السعوديات دم السعوديات دين
السعوديات هيل وزعفران وياسمين
السعوديات سيل من امهات المؤمنين
المحشمات.. المكرمات. الرعابيب
الوافيات ..الاولات ..العفايف
الغاليات.. الحافظات المواجيب
الشامخات.. مّوشحّات الغدايف
المبعدات.. عن التفاهات والعيب
المشرقات.. بنور فوق النوايف
الحايزات العز.. والمجد والطيب
الطاهرات محصّنات الشفايف
اليا اتنخن فينا تشب المحاديب
يقبل حدينا بايع العمر عايف
في عزهن كان المنايا معازيب
ياكم ضيف ٍحلٍّ ماهوبخايف