البياض وحبة الخال والورد حضضا

حطهم ربي بوجنتك ياضبي الرياض

يوم فاح العطر مع جيتك هز الفضا

والخجل غطا المزايين وازعلت الفياض

نضرة عيونك تخالط زعلها والرضا

وش ورى نضرة عيونك ترالخفاق فاض

يشتكي من لاهب البعد من جمر الغضا

وانت جمرشفاك يلعب مع ذاك البياض

لوقضا صبري على الجرح وجدي ماقضا

زادشوقي وبتدا الليل واثر الشعر هاض

والله اني مازبنت القصايد من فضا

علها تطفي لهايب خفوق مااستعاض

مايهمن هرج عذال وقلوب مرضا

العزوم اكبرمن هروجهم لوهي عراض

الهوى ثبت حباله وحكم الله مضا

والولي وان قدر الامر مافيه اعتراض

اشهد ان الورد مع حبة الخال حضضا

عاد تدري باقي شي ياحظ الرياض