الفراق أدما خفوقي يابوعبدالكريم

والسهر قيد عيوني وعيت لاتنام

أثري العاشق الياطالت الفرقا غشيم

كل لمة حزن وهموم يحسبها غمام

أجمع الذكرى من هناك والذكرى جحيم

واتسلى لين اقول انها برد وسلام

هيه ياأنتي يأاعذب الحب يالحب القديم

هيه ياأنتي يااصدق العشق ياتال الغرام

ماقدرت أقبل بدالك خليل ولا نديم

لك بقلبي عشب وطيور وظلال ومقام

يارفيقة هاجس الشعر يالصوت الحميم

كل ظن مال يمك على الوجد استقام

أقبلي خليني أضيع بعيونك وأهيم

يمكن القى ماغدالي على ذاك اللثام

ياسلام الله على طلتك والجو غيم

وان رفعتي غرتك فوق يالله ياسلام

ان طلعتي يضحك سهيل ويهب النسيم

وان ضحكتي يجفل البرد ويذوب الضلام

وان حكيتي خيم الصمت بشفاه الحريم

وان سكتي يذبل الورد ويموت الكلام

وكان غبتي باحترق شوق والله العظيم

مادريتي غيبتك ذنب وفراقك حرام

وش بقا غيرالكرامة على كف الحشيم

تختصر كل المسافات في عضة ابهام

قلت اجمع ذكرياتي يابوعبدالكريم

يمكن اسلى واركد شوي وعيوني تنام