يا بو عبد العزيز القلب حزه

سكاكين توقاه وتحزه

سطت في داخلي واهتز جسمي

على مقياس (رختر) كم هزه

ليا طاب المنام بجفن عيني

يرف القلب لين انهض بفزه

وأقوم وحالتي لله تشكى

تجدد لوعتي في كل حزه

يجدد لوعتي غرام خلٍ

على صدره ليا اقبل بيض وزه

معه صادق وصادقةٍ وعودي

ولكنه معي ما جاد رزه

هذا فعله معي لا طاب فعله

ولا فعل اليهود مع أهل غزه

ومع هذا فانا متعلقٍ به

ما ابا الشوكه وهي شوكه تغزه

أنا ماحب قلبي غير غرو ٍ

عن الزلاّت من صغره منزه

عسى من لامني في حب مثله

يقاسي لوعته في من يعزه

تفرقهم مقادير المنايا

بعد كانوا على عز ومعزه

وأشوف الغبن في نظرة عيونه

بعد وقت التسلي والتنزه

على شانه يتوب ولا يعاود

يلوم فلان والا يستفزه