ليت الزمن يشعل بدل صمتها نار

ادفى بها ولا احترق من جفاها

شقرا لها فيني متاهات واسرار

ما حطمت ذيك السوالف غلاها

هي عمري الباقي وهي روح الاشعار

وان غرّبت عني حياتي فداها

لا ما كفاني شوق وآلام واقدار

والله ماينسى قصيدي هواها

اضل انا الميت على شوف الانوار

مجنون يوفي ما سأل عن وفاها

مجنون ما عمره تغنى بالازهار

ولا رسم ضحكه تعانق شفاها

اي خبروها داخلي برق وامطار

طرقٍ على من لا يهمه صفاها

بس آتحرى صمتها يشتعل نار

أدفى بها ولا احترق من جفاها!