النار لي شبت فلا احد يخمد

في جالها طيب وكلامٍ فايد

على السجيه ماهو بمتعمد

ولا بمتصيد ولا متصايد

بالله وباللي يسبحه ويحمد

متسبر ومتزبر ومتزايد

ملفاه شيخ للجروح يضمد

شرعه مع كل الوجيه محايد

الصامد اللي للقلوب يصمد

لي قيل من حباسها والذايد

سيفٍ صقيل فالنحور يغمد

سايد ولا غير الفلاحي سايد

واللي يبا حصن منيع وممد

يزبن على الخشم الرفيع النايد

الواثق اللي للعصوف يهمد

والقايد ابن القايد ابن القايد

له ثورتٍ منها العيون ترمد

ومسالمه طيب وفرح ومعايد

لامن طرو زايد ذكرت محمد

وان قالوا محمد طرالي زايد