ولو تموت احلامنا وين الغرابة؟!

دام نسقي جوعها نزف الطعون

النوايا لو تشابه.. ماتشابه

كم هقينالين غرتنا الظنون

وكم سقينا وعدنا صحوة سرابه

وكم حنينا الريح واوجعنا الغصون

وكم بنينا للهوى مجد الخرابه

كل موتٍ مرنا .. قلنا : تمون

ليلنا اللي مالقينا فيه ثابه

نوّخ ركاب السهر بين الجفون

والظما بعيوننا شرب الكآبه

من مواعيدٍ تكون .. وماتكون

من سحاب الكذب .. كذبنا سحابه

أمطرت بالدمع واعمينا العيون

استبحنا الذل .. وادمينا المهابه

واحتفينا باحتضارات السكون

كيف الوم الجرح لو جذر عذابه

كيف الوم وكل مافينا يخون

ولو يموت الحب .. !! وش وجه الغرابه ؟!

لاغدينا للجفا قلب .. وعيون