يا ناس خلّوني معه وإتركوني

محدٍ معوّضني غيابه إلا غاب

أغليه بس شلون لا تسألوني

الحب من ربي يجي ماله أسباب

شوفوه بعيوني قبل تعذلوني

شوفوا حبيبي ماهو بمثل الاحباب

ترضون ولا كيفكم تزعلوني

أنا حبيبي سيد تلعات الارقاب

مافيه مثله بالبشر صدقوني

مزيون متواضع وطيب وجذّاب

واذا مدحته قال لا تمدحوني

ماني من اللي يستحقون الاعجاب

يقول بس الزين فيني عيوني

وأقول أنا ذا بلا بوك ياعقاب