علمي علمك قلبي مدري وينه فيه

انت اكثر واحد المفروض يدري

لا ترده بس طمني عليه

حد علمي فيه يوم انه بصدري

انت حلمه وانت كل اللي يبيه

لا سريت يعانقك لهفة ويسري

من عرفك صرت ما عاد ارتجيه

سلم امره لك وانا سلمت امري

ليه احبك انا نفسي مدري ليه

قلبي عندك واساله والله مدري

العمر حسيت توي ابتديه

قبل نتلاقی ماهو محسوب عمري

لا تشاور سو كل اللي تبيه

انت اول حب واخر حب عذري

لا سهيت القاك في كل الوجيه

من عرفك انسی حد ع البال يطري