الورع هذا
باكر مسافر بس مدري على وين
قبل الوداع اذكرك بالوديعه
بإلله لأطريت السفر لا تضيقين
اخاف لا ضقتي تضيق الوسيعه
وانا السفر عندي مثل ماتعرفين
طبيعه و محدٍ يغير طبيعه
مثل الزعامه في عيون السلاطين
حكام نجد مقومين الشريعه
ومثل المعزه في نفوس العزيزين
اخوان جوزا أهل السلوم الرفيعه
ومثل البشاشه في وجيه الجمالين
زحول الرجال أهل النفوس المطيعه
ومثل التفاخر في طبوع الشعالين
بأمجاد أهلهم والحصون المنيعه
يعني طلبتك ياعذاب المزايين
لا تطلبيني شي ما أستطيعه
إليا غدى الصمان مثل البساتين
وأقفى خريف الصلب وأقبل ربيعه
وكلمت ابوتركي طليق الحجاجين
وقال الوعد روضٍ شمال الرفيعه
سريت من دارك على خير هالحين
هالحين لا باكر ولا هو تبيعه
وأليا غدى في عيني الليل ليلين
وصوت الهوى صوت السباع المجيعه
ماعندي إيميل وبريد وعناوين
إلا الصحاري والخطوط السريعه
وإليا زملت اذكر فعول الدياحين
وأرضى ببعض اللي مضى عن جميعه
يطري علي لافي وهزاع وحسين
أخر رموز معنزين النزيعه
الدار موحش والجماعه مقيمين
والحر مايرضى بغير الطليعه
وأنتي مطاليبك على الراس والعين
ما أرضى علي ولا عليك الهزيعه
الغدر ماهو من طبوع الأصيلين
والله يا مني ماتجيك الخديعه
بس السفر كانك بديتي تلحين
يمكن يجي بيني وبينك قطيعه
ودامك عشقتيني على الزين والشين
قولي كذا إن ما طاعك الوقت طيعه
وإليا زعلتي والله إنك لترضين
لأن من شرى قلبي يحرم يبيعه
وانا بأقول وسوي اللي تسوين
غير جبال ولا تغير طبيعه
لا تقولوا له ليه
واللي يبي لو انه أبعيد هاتوه
واليا طلب له شي قولوله اوكيه
المطلب اللي يطلبه علي لبوه
واليا بغى يلعب برجليه وايديه
خلوه يلعب لين يقنع وشيلوه
واذا قعد تجمعوا من حواليه
وان قام قوموا كلبوكم وحيوه
هاذا اليا ماصرت اشوفه ولا اوحيه
والا لا مني صرت موجود خلوه
يا ناس يللي تخافون المشاريه
علي علي حبوه حبوه حبوه
اما على شان اني ابوه واغليه
والا على شان اني اغليه و ابوه
يا حلو بابا لا نطقها باشافيه
ويا حلو تكسير السوالف على فوه
هذا علي على عضيدي أمسميه
قرمن يهلي بالطراقي اليا جوه
اخوي يا ويلي على اخوي ويليه
واوجد حالي وجد شالح على اخوه
خلوني ارسم صورته في بناخية
واخذوا عيوني لا بغيتم وشفوه
أشوف عمه فيه لا قمت اناديه
تكفون لا مني تضايقت نادوه