ياعلّ نوٍ من المنشا وميضه سرى

تدفه النود ويرص إبعضه ويحدر

يقبل ولا عقب العرق الموالي ورى

تسكر هبوبه ويرزم راعده ويخدر

ويمطر على ديرةٍ للبل مساس ومرى

وربيعها يشرح الخاطر ويشف الصدر

ومع ذا وفيها لحمران النواظر ذرى

شيخٍ على كل شيخان القبايل ندر

ومطير فالأرض والراس الكبير إخشرى

من فيصل إليا العزيز لماجد إليا بدر

قول: الدويش وتلاشى في نظرك أومرى

وتروح كل الأسامي لاذكرته هدر

وياهيه ياللي حمولك كبر هضبة كرى

والعالم ازروا يفكونك وحكمك صدر

عليك بعيال ماجد وأبشر إبما ترى

اصغرهم اللي ليا منك نصيته قدر

فكوا قيود إسجنا وأغنوا يدين إفقرى

ومن عاش معهم لقى جاه و وقار وقدر

يلومني في غلاهم جاهلٍ مادرى

لو شاف عبدالله و واجه سعود وبدر

ولو إن ما أحدٍ كتب مايمدي أحدٍ قرى

والله جعل ناس فوق وفيه ناسٍ حدر

يقولها شاعرٍ كم قلدوه إشعرى

من كثر ما ورد غبات البحور وصدر

في الشيخ ماجد بن عبدالعزيز بن فيصل بن سلطان الدويش