الشعر فيصل حق والحق معلوم

سيف ليامن شفت ماعفت اسله

وللبدو عادات وتقاليد وسلوم

وللناس من مبطي شريعه ومله

وحنا بدو عن غيرنا نفرق السوم

ياطيبنا لا بان فالوقت خله

وحنا مطير ونفتخر دايم الدوم

ومن غير اخو جوزاء على الشمل كله

وحنا بريه إن كثروا ربعنا اللوم

والله ما نصبر على كل زله

بريه فريس وصناديد وقروم

وشيوخنا مثل الجبال المطله

والبيت من فاضل لحمدان لليوم

والناس تلجي له وكلن يدله

بيتن قديم وله علامات ورسوم

وفي صفحة التاريخ يوضي سجله

وصلال ياما صل روحه على القوم

لا قال لا واجد ولا قال قله

وفدغوش يوم الحرب لبريه زيزوم

ومن هيبته قبيلته مستقله

ومن يوم طاح العود ومناحي يقوم

ومن يوم قام وقومته مسفهله

واليوم ياخالد غدوا ربعنا قوم

كلن يزوم وشايخن في محله

تقول ماللناس عادات وسلوم

وتقول ماللناس مذهب ومله