كان الطعون اتمركزت بين لضلاع

هذا لأن البال بك صار مشغول

يلعن أبوها لقمة ٍتلوي ذراع

والفقر درب يطول وامشيه ويطول

لو كنت أبوصل بالجدل حد لقناع

ما قمت أفتش عن مفاتيح لقفول

كيف ايتعلم هالمطر يلثم القاع

لا صار حظي صيف والحلم هملول

مسكين وجهي ما لحق يلبس قناع

مسكينة إذني ما سمعت حكي معسول

(الكم ضيّق واكثر هْدومي وساع)

والذهن مملي أسئلة وما به حلول

ما غير ألوّح للحيا بْ كف لوداع

واكسر قواعد حطها فكر مشلول

واجمع شتات ورزمة ٍ مالها داع

وارفع يدين و وجهٍ بْدمع مبلول

هو عاد باقي شي مصيون ما ضاع

هو عاد باقي شي ما صار معقول

دام الطعون اتمركزت بين لضلاع

ما عاد تفرق عندي العرض والطول