حبيبتي يكفي من البعد جرحه

ياموردت عمري على بحر الاهوال

اصعب من السهل اسهل الصعب شرحه

تفاحة الفتنة بمايغري اشكال

مالف ديجور اسود الليل طرحة

ماشبّت الذكرى وله حبة الخال

مافي زمن فرقاك للعمر فرحة

الدور مظلم ظالم السجن الاغلال

لاشرحة الخاطر ولا الدار شرحه

الحزن كاسيها من الجال للجال

كانت غنج تتبسّم الثغر فرحه

تلقى بقلب متيّم الحب مدهال

في وادي الاشواق سدره وسرحه

ماغرّد القمري بغصن اشهب اللال

ماطاح جدر العشق وانهد صرحه

الا بعد ماغبت يامترف الحال

أثرني بدونك ولأشي برحه

وانا رجل واسوى ثمانين رجال