يالقثامي صاحبي صاحبك غنا

واستوى بدع الجزيل من الطروقي

القصائد قدره وخبره وفنا

مرجع وتاريخ ٍ موثق وثوقي

من وطنا وانتمشى في وطنا

وان تخير من بضاعة كل سوقي

ماتوالف فالسوالف واستكنا

مابقي للصبر فالقلب معلوقي

راحت علومك ياعبدالله وجنا

مير انا مااوكلت احد ياخذ حقوقي

ابك حنا حزت الميقاف حنا

نكعم العيّال خبثين العموقي

من تهقوانا يعود ماوصلنا

طايلين ايدي وهامات وعنوقي

ماالتفتنا في كلام ماشحنا

لازمين العوج ملزام الحلوقي

الليالي والتجارب علمنا

الرجال ازوال والفعل الفروقي

ياصحيبي لو بدا شي وزعلنا

نحفظ الصحبه وفيها مانبوقي

لو مانعرف قدرها هيل ٍ وبنا

مافرقنا ذيب (عقب ) من السلوقي

بينة من دون شك ودون ظنا

والعدالة تقطع يمين السروقي

فالهدا لوماهتدا حصني وزنا

ذيب ضلع النير حواف وسبوقي

ابو زنه لوطلع له ناب اكلنا

وزد ذبحنا حية الداب الزروقي

وش علينا من جهل خبل جهلنا

حاسد وفاسد اربادي هطوقي

غافل عن موقعة روضة مهنا

ساعة بان الكذوب من الصدوقي

ياهني الخبل قلبه ماتعنا

ماشعاه البرق في مزن ٍ يشوقي

بان فالاجناب قلب مايونا

وبان فالادنين لحاس الشدوقي

لو عطوني من ذهب مليون طنا

ماارخص بربعي وابن عمي ونوقي

العواجه جات فرقيبة جملنا

والعرب مااوحوا رعد شافوا بروقي

الخطا مدبول من هن ابن هنا

لشتبه دمي ودمه فالعروقي

اقرع مع المقرعين اقراع شنا

فرّح العدوان والاجناب فوقي

لو افتش فالعياب يعيبنا

مار لا تقعد تقوقي يالمقوقي

ينتبه لا عرضه رمح المطنا

وافضحه مع كل برقاوي وروقي