هب الحنين ولهيب الجاش مابرّده

وراني اغيابك نجوم القهر قايله

اسدل جناح الغياب الموجع وفرّده

ديجوره الداجي السلطان والراي له

لوله همى فالمحاجر واغرق إزمرّده

غلّف عناده عتب مااعتاده استايله

انفل عقد الكلام وسافرت شرّده

وشلونك وكيف بعدك حالتي قايله

فتشت قلبي لقيتك فيني مغرّده

معلّقه صورتك ف جداره ومايله

ظامي وله فوق ينبوع الغلا ورّده

ياكبر حبك بقلبي كيف انا شايله

ماهي مجرّد مشاعر شاعر مجرّده

مصيرها غامض ومهما عثت زايله

ترعى فياض الفؤاد وفيه متفرّده

حلم اول العمر اماني عمري الجاي له

العنفوان الذهول خدوده مورّده

نشودة المنتصر بالمختصر هايله

فيها كثر شيطنة طفلة ومتمردة

ترتيبها بعثرة ، حكيمة العائلة